© Blush.is    S:775-3330   Hamraborg 1-3 - 200 Kóp - 100% trúnaði er heitið við pöntun og greiðslu – sendum í ómerktum umbúðum um allt land

Opnunartími:

Mánudaga - Miðvikudaga frá 11-18

Fimmtudaga frá 11-21

Föstudaga frá 11-18

Laugardaga frá 12-18

Sunnudaga lokað

 

Fréttir

Hættir maður einhvern tíman að leika sér?

08.05.2017

 

Að „leika sér“ er hlutur sem við tengjum öll við barnæskuna. Þegar við vorum börn þá hvatti fullorðna fólkið okkur til að leika og við elskuðum að láta ímyndunaraflið ráða ferðinni, skynja eitthvað nýtt, láta hjartað slá hraðar og auðvitað leika með uppáhaldsleikfangið okkar.

 

Núna orðnir fullorðnir einstaklingar höfum við flest hætt að leika okkur til að nota tímann í hluti sem við teljum að komi okkur nær markmiðum og muni bæta heilsu okkar og líðan. Það er staðreynd að ef að barn fær ekki að leika sér heldur bara gera ákveðna hluti þá fer því að leiðast; en vissir þú að rannsóknir sýna að leikur ætti ekki aðeins að vera fyrir börn? Ef þú gefur þér tíma til að detta í leik, gleði og nota ímyndunaraflið þá færir þér það ekki aðeins gleði heldur bætir það andlega, líkamlega og tilfinningalega líðan þína og getu.

 

Í dag er Barbie og hjólaskautar kannski ekki eins heillandi og þegar við vorum börn en það er til heill heimur af leikföngum sem eru sérstaklega hönnuð fyrir fullorðna. Ykkur grunar eflaust hvað ég á við; já kynlífsleikföng! Sjálfsfróun er hinn fullkomni leiktími fyrir fullorðna og kynlífsleikföng eru gerð til að hámarka unaðinn í leik.

 

Fyrsta skrefið til að fá sem mest út úr leiktímanum þínum er að finna lausan tíma og taka hann frá aðeins fyrir sjálfan þig. Og í staðinn fyrir að hanga á netinu að skoða vefsíður farðu þá frekar og finndu þér stað sem þú getur slakað á og leikið þér með þínu uppáhalds kynlífstæki. Þú munt ekki bara ná að hafa það skemmtilegt heldur uppskerðu betri kynferðislega (og andlega) heilsu.